燒肉臻 (Closed)

六月真係好多朋友生日啊🎂六個人去食生日飯，朋友搵咗呢間日式燒肉店🔥🔥🇯🇵大部份食材都新鮮👍🏻但係和牛嘅顏色唔太夠鮮紅，少少瘀😓比較簡單嘅食材都係自己燒嘅，難道高少少嘅侍應會先攞出嚟俾你影相，然後拎返入去廚房嗰度燒，燒白鱔、日本魷魚同埋明太子就係咁樣做嘅，師傅燒得好好，尤其是白鱔真係一流😋😋😋另外竟然有厚揚，係一個炸豆腐咁嘅物體，個面就好似腐皮咁樣，要細火燒到金黃色少少啡啡地就得，好有豆香😎之前喺日本食過一次好好味，第一次喺香港嘅燒肉店遇見，點咗三碟，每人一件，讚👍🏻👍🏻免咗生日蛋糕切餅費🩷唯一美中不足嘅就係最尾，侍應執完枱，但係冇抹枱嘅情況底下就攞咗個蛋糕出嚟，我哋叫佢可唔可以抹吓張枱先？因為燒嘢食真係好污糟，侍應姐姐竟然叫我哋攞佢哋擺喺個木桶入邊嗰啲濕紙巾自己抹下張枱，當下我哋唯有照做啦，真係唔明白點解佢唔叫第二個侍應過嚟幫手，竟然會叫啲客人自己抹枱😅😅雖然佢態度好親切笑住咁講😅😅