令和鍋物酒場

Open Now

Now Closed

好朋友同我補祝生日，帶我去令和，咦！我之前去過架喎，同朋友媽媽慶祝生日🎂今次叫嘅食物大部份都未食過嘅野，梅酒、生啤、枝豆、柚子香橙 highball 、 燒和牛串、燒雞腎、三文魚沙律、玉子燒、燒魚乾、炸魷魚、燒菠蘿、牛油果他他、燒豬腩肉、辣味啤酒。先講飲品，柚子香橙 highball ，係特別調製，餐牌未有🤭個造型已經好吸引，影相一流😂味道好清新、開胃；而辣味啤酒第一啖飲無咩特別，咪普通啤酒囉，嘩😳後勁凌厲，由喉嚨辣返出嚟😋又幾特別喎，怕辣嘅就唔好叫喇😂至於肉類：燒和牛串，約5成熟，入面仲好 juice ，唔會好韌、燒豬腩肉肥瘦分明👍🏻爽口唔肥膩。送酒佳品：燒魚乾、炸魷魚🦑燒完唔乾，令到我地啤酒一杯接一杯，食唔停、飲唔停🤣其他食物都正常水準，值得再來同朋友傾計食飯。