Video
Read full review
2023-06-24
702 views
呢間係我恨左食好耐嘅餐廳，終於食倒啦😭呢間餐廳主打係鋸牛扒，仲有任食薯條，兩樣都係我嘅至愛🤩餐廳環境高級，但原來好熱鬧，好適合朋友聚會，大家都傾得好開心🥳🎂餐廳都可以安排生日驚喜🥳，order佢哋嘅蛋糕或者自己買蛋糕去都可以，除左可以喺碟上面寫字，仲會播生日歌🎵，侍應會過黎一齊唱生日歌，唱完仲會幫你影相📸，印埋相連埋生日卡送俾你，超窩心❤️佢嘅特色係得一款套餐，劃一收費 $398/位：🥖餐包 表面脆卜卜，內裡煙靭，加埋牛油食更正😋🥗沙律組合係生菜、核桃，配上酸酸嘅醬汁，好醒胃🤩🍟無限任添薯條最爽一定會係無止境嘅薯條啦，仲要新鮮炸起，熱辣辣，金黃香脆，我就refill左三次😌🥩美國 USDA Prime 級肉眼牛扒重頭戲黎啦😍非常高質，表面燒過嘅紋路好靚，肉質色澤好好，好重牛味，肉質柔軟😋如果同朋友一齊食，建議一個揀熟d，一個揀生d，因為碟下面有點住蠟燭保溫，我揀左7成同5成，先食左7成，到食5成嘅時候就啱啱好7成啦👍另外有三款醬揀，梗有一款啱食😚🍷鍾意飲酒可以開埋酒飲，我地開左支紅酒，幾唔錯的❤️😋味道：9.5/10👀環境：9/10🤵🏻♀️服務：8.5/10
🎂餐廳都可以安排生日驚喜🥳，order佢哋嘅蛋糕或者自己買蛋糕去都可以，除左可以喺碟上面寫字，仲會播生日歌🎵，侍應會過黎一齊唱生日歌，唱完仲會幫你影相📸，印埋相連埋生日卡送俾你，超窩心❤️
佢嘅特色係得一款套餐，劃一收費 $398/位：
🥖餐包
表面脆卜卜，內裡煙靭，加埋牛油食更正😋
🥗沙律
組合係生菜、核桃，配上酸酸嘅醬汁，好醒胃🤩
🍟無限任添薯條
最爽一定會係無止境嘅薯條啦，仲要新鮮炸起，熱辣辣，金黃香脆，我就refill左三次😌
🥩美國 USDA Prime 級肉眼牛扒
重頭戲黎啦😍非常高質，表面燒過嘅紋路好靚，肉質色澤好好，好重牛味，肉質柔軟😋如果同朋友一齊食，建議一個揀熟d，一個揀生d，因為碟下面有點住蠟燭保溫，我揀左7成同5成，先食左7成，到食5成嘅時候就啱啱好7成啦👍另外有三款醬揀，梗有一款啱食😚
🍷鍾意飲酒可以開埋酒飲，我地開左支紅酒，幾唔錯的❤️
😋味道：9.5/10
👀環境：9/10
🤵🏻♀️服務：8.5/10
50 views
0 likes
0 comments
Post
