卷福和他的朋友們 (Closed)

香港食小龍蝦嘅地方唔係好多，喺open rice 搵到卷福，決定生日試吓，可能係食辣嘢，入去見有三枱客，全部都係講普通話，我哋四個叫咗張嘉佳秘製小龍蝦(大)，醬汁好野味，好食但龍蝦size比較細，10隻＄268，服務員話之前係＄398，如果係$398就好貴，叫咗酸菜魚，魚湯好飲酸辣適中，魚肉唔夠鮮甜，叫咗水煮牛肉，牛肉份量好多，但水煮湯底唔香，大家都覺得好一股，仲叫咗雞，無特別。仲有刀削麵，我好鍾意，口感彈牙，煙韌。仲有麻辣豬耳，就不太入味。服務好好，服務員會比圍裙同埋手套，食小龍蝦不怕整污糟。