Never Too Late Dining (Closed)

每次經過都話想試never too late dining，因為嗰門面幾吸引。生日嗰日，終於一試，喺openrice 訂仲有折扣。Never too late dining環境幾好，適合用黎打卡🤣 暗暗地，有啲氣氛。而且服務好好！好樂意幫我哋影相，仲有唔同角度！讚👍🏻兩個人叫左幾樣野食，我哋都覺得食物普通，不過擺盤都可以。藜麥紅菜頭蘋果沙律配紅洒醋汁呢個沙律我叫嘅時候，因為佢個名都有少少期待。我好期待嗰dressing，味道係唔錯，但係得好少，搞到嗰沙律唔夠味。食落啲沙律菜係苦嘅，quinoa得啲啲。有少少失望炸魚柳炸得幾好，魚質嫩嘅，不過以佢定嘅價，份量有啲少。蟹肉蝦粒意大利飯Creamy！味道不錯，嗰米煮得剛好，不會太淋仲食到少少硬生👌🏻我地仲叫左個意粉，不過唔記得影相🤣淨係記得男朋友話佢嗰pasta好乾，有啲淡味。Any肥，環境氣氛服務都很好！食物可以更好！