S3 186

Open Now

Now Closed

今日嚟咗深水埗食呢間朋友介紹嘅西餐廳，晚市套餐好多元化，從龍蝦Pizza到蟹肉飯，再到驚喜嘅火焰牛角雪山，每道菜都好有心思，味道層次豐富，絕對係值得再訪嘅地方！🟡澳洲龍蝦明太子Pizza配搭幾特別，Pizza底夠薄夠脆，龍蝦肉質鮮甜，搭配上鹹香嘅明太子醬，味道層次豐富。🔵法式龍蝦濃湯龍蝦濃湯係套餐入面嘅重點。湯底香濃、龍蝦味道突出，質感幼滑，加上湯內有啲龍蝦肉，食起來更滿足。🟤極濃蟹膏蟹肉意大利飯蟹膏味道非常突出，蟹肉亦相當豐富，味道濃郁但唔會覺得膩，真係一試難忘。🟣泰式豬頸肉烤得幾香，表面有少少焦香，肉質嫩滑。配上泰式酸辣醬汁，幾開胃。⚪️火焰牛角雪山朋友今個月生日，餐廳非常之有心思，免費送咗呢個火焰牛角雪山俾我哋食！雪山表面用火燒過，帶出一陣焦糖香氣，內層係雪糕同牛角包嘅結合，口感豐富！