祥仔辣辣 (海運大廈) (Closed)

襯生日去酒店前先食個lunch，我哋冇諗過平日都咁多人😱海景位都比人book哂，安慰自己唔緊要啦，影下都開心😂🍴食物🍴午市套餐（加$10可配指定4款飲品）1️⃣去骨海南雞飯$128: 冇骨的情況下可以大大啖咁食😏雞都幾滑，連皮食都唔會有油膩感，份量都唔少。2️⃣福建炒蝦麵$128: 福建炒飯食得多，炒蝦麵真係未食過😯麵口感彈牙，唔會炒到過軟，蝦大大隻而且都幾爽口既😋3️⃣招牌祥仔酸菜魚$248: 來到主角酸菜魚，我覺得份量夠3位女仔食❣️辣度方面可以有得選擇，而我哋就揀少辣🌶湯飲落去有少少麻辣，岩岩好唔會過辣，湯睇落好清唔油，飲到有少少魚味；而鱸魚最好係冇骨，配料都幾豐富～有菇，蓮藕，芽菜，當然唔少得酸菜都好好食。💥環境💥揀呢間分店會原因係主要有海景，另外裝修主要用紅黑白做主題，感覺比較型格❣️空間感都幾大，咩位置都坐得好舒服😌💥服務💥門口職員都好有禮貌，其他店員服務都唔錯，幾主動；雖然lunch都幾多人，但係上菜都好快。