和処 酒肴 (Closed)

今年本小姐生日，由於要去birthday trip，提早兩口子出黎慶祝生日。本小姐喜歡日本菜，當然揀返間Omakase 啦。 餐牌由$ 750 至$1300 ，今晚我地就揀咗個侍 Samurai, $750, 先試一試。前菜盛小食 - 豬肉卷， 魚肉捲， 薯仔沙律，  黑松露蛋卷，螢光魷魚，松前漬，枝豆。最喜愛黑松露蛋卷，黑松露香濃，蛋嫩滑鮮甜，吃後口中還留著淡淡黑松露香味。三款料理，炸豬排，燒白鱔和燒鯖魚。燒白鱔魚肉質鮮甜，燒得剛好，入口還JUICY。炸豬排很厚身, 炸得脆口。壽司7貫 – 逐件上，包括有鰤魚， 金目鯛，紅鱒魚，天使蝦，海膽魚籽飯等等，全部十分新鮮，入口鮮甜。我最喜愛海膽魚籽飯，望落已經流晒口水，海膽鮮甜，入口即溶，魚籽咬開卜卜聲，非常鮮甜。甜品拼盤賣相好靚，有綠茶蕨餅，鮮果梳打和雪糕，令這餐劃上完美句號。