Video
Read full review
2020-06-10
138 views
本身見人哋推介呢間我見佢啲樣都幾好就約朋友過嚟食未食已經把幾火我唔係想踩間餐廳但真係個別人嘅問題佢間鋪唔係大其實佢係有個門口枱咁嘅嘢長期冇人唔緊要既咁我見佢有好多位就自己入去坐到我坐低咗一陣佢就問我幾多位我同佢講話兩位 佢就問我有冇book位，我話冇佢叫我企返出去等我r晒頭其實間餐廳得三枱客起碼嗰度仲有六張二人枱 兩張大枱（6人）然後等咗大概半分鐘佢就安排我坐咗一張最近門口嘅位我嬲嘅係明明有好多位但要我企返喺度等等完再安排我入座 （重點係好多位，但冇人等緊）即使我當你真係好多Booking其實要我企返喺度等再安排我做呢個步驟其實多餘 咁點解唔直接安排我坐嗰度成件事就完晒！都唔緊要當我固執下面張相係我坐低嘅時候最左面嗰兩台已經走咗 你可以睇到個場係冇員工🤷🏻♀️我仲要企左喺前面起碼10分鐘影相 都冇人理過我 然後叫人落單 落咗兩樣之後我問佢有樣食物咩黎 佢答我唔到 我唔緊要嘅佢問完同事同事答咗我咁我仲落埋另外果兩樣食物 我好肯定嗰個員工係聽住我講要啲咩講完啲食物嘅時候佢先走嘅另外嗰個同事就再推介埋其他嘢飲俾我咁我叫介紹嘢飲比我個同事幫我落嘢飲嘢飲好快就到左 嗰陣時仲滿心歡喜燒咗怒氣因為本
我見佢啲樣都幾好
就約朋友過嚟食
未食已經把幾火
我唔係想踩間餐廳
但真係個別人嘅問題
佢間鋪唔係大
其實佢係有個門口枱咁嘅嘢
長期冇人唔緊要既
咁我見佢有好多位就自己入去坐
到我坐低咗一陣佢就問我幾多位
我同佢講話兩位
佢就問我有冇book位，我話冇
佢叫我企返出去等
我r晒頭其實間餐廳得三枱客
起碼嗰度仲有六張二人枱
兩張大枱（6人）
然後等咗大概半分鐘佢就安排我坐咗一張最近門口嘅位
我嬲嘅係明明有好多位但要我企返喺度等
等完再安排我入座 （重點係好多位，但冇人等緊）
即使我當你真係好多Booking
其實要我企返喺度等再安排我做呢個步驟其實多餘
咁點解唔直接安排我坐嗰度成件事就完晒！
都唔緊要當我固執
下面張相係我坐低嘅時候最左面嗰兩台已經走咗 你可以睇到個場係冇員工🤷🏻♀️
我仲要企左喺前面起碼10分鐘影相
都冇人理過我
然後叫人落單 落咗兩樣之後
我問佢有樣食物咩黎 佢答我唔到 我唔緊要嘅
佢問完同事同事答咗我
咁我仲落埋另外果兩樣食物
我好肯定嗰個員工係聽住我講要啲咩
講完啲食物嘅時候佢先走嘅
另外嗰個同事就再推介埋其他嘢飲俾我
咁我叫介紹嘢飲比我個同事幫我落嘢飲
嘢飲好快就到左 嗰陣時仲滿心歡喜燒咗怒氣
因為本身個棉花糖係隨機 我朋友要到佢想要嘅獨角獸
嘢飲到咗過咗25分鐘 我見人哋遲過我哋到嘅啲食物都到咗 我忍唔住問佢 介紹嘢飲個同事同我講話佢冇幫我落個食物 果下我抆咗
我問嘅原因唔係因為介紹嘢飲個同事
而係佢個同事 由一開始我入門口到落單全程比我感覺唔到有服務 我問點解啲食物未到嘅時候 佢仲要完全地唔知道佢幫我落過單咁
我唔知到底係佢冇做過飲食業定咩
係我高要求？我本身自己都係飲食業出身
但佢連最基本嘅應有態度都做唔到
同落嘢飲我個女仔相比完全差天共地
我反而想表揚一下嗰個女仔 （粉紅頭髮）
佢比我感覺到佢做呢份工嘅熱誠
而且有咩問題佢係會去面對去解決
如果唔係因為呢個女仔我真係會唔食就走
我希望間餐廳檢討吓啲員工既問題
我唔介意請新同事 但唔該比培訓 冇培訓都教下佢應該點做
我好少比負評一間餐廳 今次真係好嬲
發洩完
其實呢間新鋪佢係尖沙咀嘅花語分店
兩年前我都食過花語一次
我好記得嗰陣時佢哋好忙
但員工冇令我失望過
而且味道係合理
雖然我坐低先知道佢係呢間嘅分店
但今次嗰位員工真係令我好失望
入返正題介紹食物
明太子三文魚子忌廉意粉
係粉紅色嘅意粉🍝
明太子意粉從來冇令我失望過
大啡菇薯條配雙色醬
開頭以為係有菇同埋薯條
原來係將啲菇切成一條條好似薯條咁
但出色嘅 我鍾意食菇
我覺得呢啲反而比起薯條好
因為唔係澱粉質唔會好溜
仲有兩款醬
黑松露/牛油果
黑松露醬冇咩特別因為平時周圍都有得食
牛油果本身我好鍾意食所以得我歡喜
兩隻醬點菇都夾既
但係我自己個人鍾意牛油果味多啲
會比起黑松露醬嗰個冇咁溜
紫薯牛奶麻薯蛋餅
一上枱其實好香糖漿味
令我諗起麥當勞嘅熱香餅 會好吸引想去食
但味道呢個有少少失望
因為本身呢間係食台灣野
咁我預計佢嘅蛋餅係我平時台灣食到嘅味
但其實佢嘅蛋餅就等於香港嘅手抓餅
佢入面有紫薯同埋麻薯 少許嘅黑糖漿
個紫薯平平無奇 麻薯有少少失望
因為本身我都鍾意食麻薯
我想像中佢係有少少煙銀嘅感覺
但佢反而似係淋既牛奶布甸嘅感覺
整體加埋一齊來吃是正常的
但可能我本身期望佢係台灣嗰款蛋餅
所以我唔會再叫
黑糖薑汁鮮奶配懸浮棉花糖
呢個普普通通平平無奇
加上棉花糖之後就加分
好似變咗另一樣野咁
絕對啱晒打卡呃like
抹茶草莓牛奶
本身我唔係諗住叫呢杯
係想叫桂花奶蓋烏龍茶配懸浮棉花糖
但佢話今日暫時冇桂花
所以佢推介左呢杯俾我
因為我本身好怕好苦嘅抹茶味
而呢杯嘅抹茶啱晒我 但草莓味相對少
呢間野整體其實唔差
我會想再試埋其他嘢
但大前提係希望我下次嚟嘅時候員工唔好令我失望
即使佢係新員工
我都唔接受佢嘅態度 說話技巧
同埋我記得我問過Latte係咪有咖啡
因為台灣嘅latte係牛奶
唔飲咖啡嘅我自然想問清楚
嗰個我唔知佢係咪新員工嘅人佢答我全部都係有咖啡 即使唔熟悉餐牌 但唔可以亂答客人野係基本
餐廳人手安排方面都唔好
人手其實唔係唔夠
但崗位安排唔好
個樓面場可以完全冇員工
我希望佢哋會檢討一下
如果唔係真係冇下次
佢另外有個打卡位
都幾靚 但好似係要又係餐廳消費先可以影
（請問影完未？後面仲有客人想影）？？
唔好意思去咗邊？同埋本身我係有話比佢影先
粉紅色頭髮女仔絕對係要加分
佢會介紹適合客人嘅嘢飲俾佢
而且禮貌好好
Post
