點點甜 (Closed)

食甜品成日心大心細,想食依樣又想食果樣,所以如果同大班朋友食甜品我就通常會叫幾款唔同系列嘅甜品大家一齊開心share。 今次就叫咗芋圓,抹茶同心太軟系列。一碗有齊晒芋丸,小丸子,紅豆,仙草凍,珍珠同紫薯蓉。絕對啱晒鍾意多種囗感同心大心細唔知揀食咩嘅人。不過個冰底就冇咩味要另外再問店員攞花奶同埋練奶,添加味道。依個寳石森林先有齊晒抹茶牛奶雪糕,玄米茶啫喱,白玉,紅豆,脆米 同抹茶煎餅。抹茶牛奶扭紋雪糕綠茶味好滑好濃郁,不過牛奶味果邊就有少少冰感,白玉非常煙靭,玄米茶啫喱亦有淡淡嘅茶香。心太軟焗得外脆內軟,伯爵茶味都幾突出,但係流心效果並唔係太澎湃。伴碟仲有D玫瑰花乾,粟米脆片同埋豆腐雪糕,我個人就認為心太軟同豆腐雪糕就唔太相襯,都係配返雲呢拿味雪糕會好味D。