Video
Read full review
2020-05-28
689 views
《la famille》既戚風蛋糕係香港都算出名，今日出去旺角路過朗豪坊，始終未試過於是買左黎同屋企人試下！本身想買一個大磅裝蛋糕試下，但係見到一個個細既cake仔仲精緻，又有唔同味道揀，本住咩都試下既心態，都係把心一橫買左幾件細戚風蛋糕。估唔到我六點左右去買都要排隊，睇黎好受歡迎呀，應該無伏既！黑糖栗子蒙布朗成件都佈滿層層栗子蓉，叉入去係充滿細滑香甜既忌廉，加埋乾身既蛋糕個配搭不錯！皇牌士多啤梨，寫到明皇牌應該都唔差！粒粒士多啤梨都好新鮮，好甜好香，蛋糕咬落去好有彈性，入面都係有好香既忌廉。真係好想知佢呢個忌廉點整，好有日本食既奶製品既香，可能係用日本牛奶做。同平時係街出面食既好唔一樣，香，滑，甜但一點也不膩，配埋士多啤梨既少少酸真係一流。意式香草奶凍，一開頭望樣以為係藍梅芝士蛋糕，估唔到係奶凍黎，淡淡既雲呢拿味奶凍滑滑溜溜，配上戚風蛋糕，不油膩剛剛好。我諗一個人連續食兩個都無咩問題。其他幾款蛋糕影相都好靚，買一個同朋友慶祝生日兩個人食剛剛好，而且價格相宜，會有下次既蛋糕店呢！提提大家下次買可以預先訂或者早少少去買，晏去好多想試既味都賣哂～
黑糖栗子蒙布朗成件都佈滿層層栗子蓉，叉入去係充滿細滑香甜既忌廉，加埋乾身既蛋糕個配搭不錯！
皇牌士多啤梨，寫到明皇牌應該都唔差！粒粒士多啤梨都好新鮮，好甜好香，蛋糕咬落去好有彈性，入面都係有好香既忌廉。真係好想知佢呢個忌廉點整，好有日本食既奶製品既香，可能係用日本牛奶做。同平時係街出面食既好唔一樣，香，滑，甜但一點也不膩，配埋士多啤梨既少少酸真係一流。
意式香草奶凍，一開頭望樣以為係藍梅芝士蛋糕，估唔到係奶凍黎，淡淡既雲呢拿味奶凍滑滑溜溜，配上戚風蛋糕，不油膩剛剛好。我諗一個人連續食兩個都無咩問題。
其他幾款蛋糕影相都好靚，買一個同朋友慶祝生日兩個人食剛剛好，而且價格相宜，會有下次既蛋糕店呢！
提提大家下次買可以預先訂或者早少少去買，晏去好多想試既味都賣哂～
Post
