Video
Read full review
2023-01-07
631 views
細個時屋企人耐唔耐都會點名去七喜食，開咗好多年，我都由細食到大。可能習慣性，每隔一段時間就會想食吓七喜，唔知點解會突然想起佢啲生滾粥同埋「鑊氣嘢」，好有大排檔式風味。新蒲崗同土瓜灣店都係經常幫襯嘅地方，今日經過土瓜灣，下意識就走入去食個下午茶。呢個下午時間無晚餐時間咁繁忙，仲可以俾我選擇座位，而且會見到師傅喺其中一張枱度包緊雲吞。#白灼鮮牛肉柏葉都係差唔多每次必叫嘅食物，佢係選用黑色牛柏葉，切得幼身有咬口，細個總係唔明點解啲牛柏葉係黑色，到大咗就知道係好嘢。牛肉新鮮滑口，好鍾意佢放大量薑蔥喺面，配上一碗辣椒豉油，非常惹味。#皮蛋瘦肉粥生滾粥種類多，每次都糾結要邊款，今次叫咗個皮蛋瘦肉粥生滾粥，個粥係即叫即滾，所以都要等一等，碗底鮮味熱辣辣，煮得好綿密。瘦肉用鹽輕醃，不過今次份量好似比平時較少。松花皮蛋夠清香彈牙，依舊原隻砌開一舊舊，可以大啖食，粥面配上蔥和薑絲，生滾粥就是這樣。#七喜麵食小館地址：土瓜灣江蘇街2號電話：27149658
新蒲崗同土瓜灣店都係經常幫襯嘅地方，今日經過土瓜灣，下意識就走入去食個下午茶。呢個下午時間無晚餐時間咁繁忙，仲可以俾我選擇座位，而且會見到師傅喺其中一張枱度包緊雲吞。
#白灼鮮牛肉柏葉
都係差唔多每次必叫嘅食物，佢係選用黑色牛柏葉，切得幼身有咬口，細個總係唔明點解啲牛柏葉係黑色，到大咗就知道係好嘢。牛肉新鮮滑口，好鍾意佢放大量薑蔥喺面，配上一碗辣椒豉油，非常惹味。
#皮蛋瘦肉粥
生滾粥種類多，每次都糾結要邊款，今次叫咗個皮蛋瘦肉粥生滾粥，個粥係即叫即滾，所以都要等一等，碗底鮮味熱辣辣，煮得好綿密。瘦肉用鹽輕醃，不過今次份量好似比平時較少。松花皮蛋夠清香彈牙，依舊原隻砌開一舊舊，可以大啖食，粥面配上蔥和薑絲，生滾粥就是這樣。
#七喜麵食小館
地址：土瓜灣江蘇街2號
電話：27149658
55 views
0 likes
0 comments
51 views
0 likes
0 comments
Post
