萬芳冰室 (建德街)

Open Now

Now Closed

萬芳冰室 (元朗)元朗建德街35-55號時景花園地下10號舖如果妳住係元朗就一定聽過「萬芳冰室」， 佢隻炸雞髀好出名㗎！我係常客， 間唔中都會諗起佢嘅味道，今日我又來到萬芳， 又係指定動作叫咗佢嘅《生炸無敵大雞髀太陽蛋飯》。 老闆訂回來嘅雞髀真係肥大肉厚，醃得好味， 仲要係即叫即炸， 仲要係生炸大雞髀， 其實唔係好多茶記咁做， 因為程序複雜，又費力費時，好彩老闆有對食物嘅一份執着，我哋先有好野食， 炸至金黃色嘅生炸大雞髀， 外層脆卜卜， 而內裡有嫩滑嘅雞肉，仲要好有雞味添， 再加上一隻香滑嘅雞蛋就太完美啦，真係可以encore 又 encore 架， 下次一定會再來朋友就叫咗《煇哥沙茶小鳯炒飯》，飯炒得很乾身， 炒到啲飯一粒粒分開晒， 口感煙靭，又不覺得太油膩， 味道適中， 又有沙茶嘅香味。