正宗上海生煎皇 (Closed)

呢日行開深水埗，晚飯覓食時間，友人就介紹左呢間食上海野既鋪頭，店舖唔大，但都見唔少人排隊，等候時間店員已經比定menu我地揀野食，等左一陣就有位喇蒜泥白肉，白肉雪得夠凍，不過多d蒜泥就應該會惹味d小籠包湯汁都幾豐富，味道唔錯粟米湯羹，感覺冇咩味精，清清地呢度既招牌生煎包，仲特登有個牌係台面教你點去品嚐。果然冇令人失望，生煎包外脆內軟，而且肉汁好豐富，不過食果時就真係要好小心，入面既湯汁真係熱到會辣親嘴厚切炸排骨菜飯，呢個算係最失色，炸排骨肉質偏「鞋」菜飯亦麻麻價錢就真係夠晒抵，下次有機會都可以再戰