正宗上海生煎皇 (Closed)

之前已經食過呢度嘅生煎包，覺得好好味，好掛住，所以再嚟食多次。午餐嚟到呢度都好多人，環境都好逼，但係我哋都只係食一個快嘅午餐，所以無所謂啦。午市套餐大約40幾蚊，可以選一個主菜＋1個配菜。我就叫左上海厚切炸排骨菜飯$32 配$14 兩隻生煎包。生煎包唔會好大，上面嘅芝麻就好香，裏面亦都保持肉汁，食落去因住辣口，因為會爆汁！另外都叫咗個上海擔擔麵，擔擔面味道唔錯，但我比較喜歡花生味重嘅擔擔麵，而佢係似比夠稀的湯底。上海小籠包能夠用$22加配，普普通通，還是生煎包比較有驚喜。