越港正宗越南湯粉 (Closed)

邪惡指數: 🐽🐽🐽好食指數: 🙆🏻‍♀️🙆🏻‍♀️🙆🏻‍♀️🙆🏻‍♀️雖然呢間小店位置唔太起眼，但係我見到OpenRice上面嘅食評好似都唔錯所以我就去試試佢：⭕️生牛肉河粉 - 好有驚喜喎！熱辣辣，個湯好香甜但又唔覺有味精，食得出唔係馬虎/出面連鎖越南餐廳嗰種pho湯底！係越飲越上癮，啲牛肉都好滑，成碗俾我清晒，絕對係令我想返去再食多次嘅一碗pho 🤤⭕️小食選擇都算多，我試咗春卷雞翼同埋蝦餅，全部都幾好食架，不過就真係冇個生牛河咁驚喜😆總結就係呢間越南野我一定會encore，好食得黎又抵食，值得推介喔！