大叻越南牛肉粉餐廳 (蘭杜街) (Moved) New Location

今日無乜胃口，只想食湯粉，所以同朋友去左灣仔大叻越南粉午餐。我地未夠12:00就到，但鋪頭已7成滿坐，過多15分鐘就已經坐無虛席。雖然人多，但食物上菜時間依然好快。朋友叫了雞翼撈檬 $46，可按自己喜愛加不同份量甜酸汁。我就叫了生牛肉湯河 $46，牛肉好嫰，河粉夠滑，湯底亦好夠味。生牛肉粉量好多，浸落熱辣辣湯底剛熟，好味道。每碗湯河均配上一碟配料，香葉、芽菜、指天椒和青檸一少片，亦可要求再加配料。湯河再加上以上配料，味道更好味😋以上兩款都是午餐款式，均有餐茶附送，凍飲加$3