越好

Open Now

Now Closed

已經有一段時間冇食越南嘢，突然今次好想食生牛肉湯河，就去咗沙田越好試下。今次我哋點咗招牌生牛肉湯河、越好咖哩豬扒飯 ，小食揀咗越南炸春捲及蝦醬雞中翼，飲品有青檸檬梳打及凍美祿。招牌生牛肉湯河嘅湯底好濃沃，加埋其他越式配料好有越南風味，生牛肉又多又好味，果然係招牌菜。 越好咖哩豬扒飯就最有印象，配菜有三色椒炒洋蔥，加埋秘製咖哩汁及上面嘅花生碎，每一啖都好有層次，最緊要豬扒好入味。兩款小食都香脆可口，點埋特製嘅越南汁，食到停唔到口。最後兩杯飲品就非常解渴而且唔係太甜，好啱我口味。