早安越南 (Closed)

成日出街食飯，如果想食清少少我同老公會選擇食越南野食下湯河，黎開黃埔呢頭見到呢間裝修幾有特色，價錢又適中，就黎試試佢先。生牛肉湯河 - 賣相唔錯，牛肉生熟程度合理，牛肉大塊份量亦足，有足夠香料之餘，有部分仲用匙更盛住，讓人可以自由選擇多少，感覺貼心，對於就係鐘意佢陣香料味黎講o既我地，當然一粒都不會放過啦🙈另外我地仲叫左個一人份肉骨茶，見到隻碟就知道呢間餐廳係風格方面下左功夫，雖然味道就未如我所喜好，未夠多藥材味，如果你好怕藥材味就絕對無問題喇。