泰.夯蝦 (Closed)

好耐無來荃灣，做完嘢見到呢間餐廳主打流水蝦，上網查看後，感覺得意又新奇，5點前食仲有75折。全部座位旁都有一個水缸放了大量新鮮蝦，其他海鮮便要走出去拿，仲有肉類、酸辣湯、刺身及飲品任飲，款式亦算唔少。每枱送新鮮鮑魚及帶子，飽魚會有侍應幫手清腸後再燒，細心亦食得放心。帶子亦十分鮮甜。主角當然係流水蝦，新鮮的蝦其實都幾難挾實，真係要眼明手快，挾實後放在冰桶來凍1分鐘，剪頭剪觸鬚後就可以燒，蝦肉鮮甜結實，加泰式酸辣醬，好正。生蠔及聖子亦都唔錯，全部都好新鮮。雞翼、牛仔骨、豬肉、鴨腎及雞軟骨，每樣都試吓，豬肉夠肥美，醃製入味。