蜀府川鍋 (Closed)

今晚約咗男朋友同佢屋企人去油塘嘅蜀府川鍋食海鮮，由油塘站行過去非常之方便，出左巴士站過對面馬路就係。一入門口就有中魚缸，入面既海鮮好生猛啊！餐廳裝修好似舊式茶樓，有卡位亦有大圓枱，可惜卡位燈光較暗，枱比較細，四個人坐大圓枱較適合。我哋一行四人叫咗一個六人海鮮餐，另加一份海膽。由於海鮮係即叫即劏，上菜時間都偏長。我地叫左份小龍包打底，皮雖厚但多汁。好快侍應就送上甜品：手工芝麻綠茶芋茸餅。呢個餅比我想像大好食，香脆不油膩，中間夾心軟糯，綠茶味唔會太甜。苦苦等候，終於等到侍應端上蒸氣鍋。侍應建議我地可以先半蒸半烚蟲草花蒸雞，但我地冇聽，因為蒸雞好食幾百倍，超滑，烚就浪費了。經我地多翻催促，海鮮終於登場啦！海鮮盤令我地精神抖擻，皆因佢地全球都好生猛啊！龍蝦已開邊，但佢地既觸鬚全部識郁，每隻都比手掌大，廚房已將龍蝦鉗扑碎，方便食客享用，好貼心～有一隻龍蝦仲有滿滿既蝦膏！九頭活鮑魚真係不得了，每隻都已經清洗乾淨，我地一掂佢地就會收縮，證明每隻都係活生生。蒸完之後，好易就離殻，而肉質彈牙爽口，唔需要蘸調味料都鮮甜。沙巴龍躉切片，薄薄地一碌就熟，好滑。貝殼類最出色就係大蜆皇，預先加左蒜蓉去蒸，啖啖肉。