居食屋「和民」 (奧海城一期)

Open Now

Now Closed

呢間和民佔據奧海城一期的有利位置，照常理應該很旺場，偏偏我們係唔想等位先至會諗起佢。我地七個人個個爭住坐埋面，皆因我們有經驗。見有新野試，睇張相似魚生飯多過石頭飯，就問下靚女經理生食得唔得，佢居然話得，仲俏皮咁話牛肉生食都得，肚痛唔關佢事，靚女真係講乜都岩聽，風趣幽默確係抵讚！石鍋蒜香海鮮飯（$78）原盅石鍋熱騰騰，海鮮黎到已經熟透了（難道是怕我生食？）飯有微微蒜香，海鮮有帶子、熟蝦、蟹柳粒，仲有爽口黃色粟米粒，色彩繽紛。味道穩陣之餘欠驚喜，不過不失水準可以接受。