Video
Read full review
2023-07-10
654 views
Bookmark咗呢間潮州嘢好耐終於去到試吓佢嘅生醃🤤好多人由唔敢食去到食完鍾意咗不過腸胃敏感怕食生嘢嘅話我建議食少少過口癮就好生醃瀨尿蝦嘅蒜味好濃偏辣 HKD 288其實唔係太食到本身瀨尿蝦嘅鮮味魚露浸花甲反而有驚喜 HKD 198新鮮得嚟大隻有肉又唔會太油太鹹鵝片墨魚雙拼份量唔多但鹵水味唔重鵝片唔會過肥墨魚唔係有染色嗰種傅統炸蝦棗拼鮮拆蟹棗 HKD 168佢係真蝦肉蟹肉炸出嚟唔係蝦丸蟹丸唔係平時食彈牙嗰種係真材實料嘅我自己比較鍾意食假啲嗰種🤣最後嘅沙茶生肉炒粿條幾特別類似陳村粉嘅粿條配份量十足嘅牛肉同埋個沙茶醬唔太辣而且有花生味👍🏻不過以上嘅價錢都偏高算係精緻菜式如果要講性價比一定係偏低㗎啦但食得出係精緻嘢手工嘢唔係普通菜式最後食嘅清心丸綠豆爽畫上個完美句號已經好少地方可以食到呢種糖水其實清心丸只係馬鈴薯粉整出嚟嘅但覺得同呢種綠豆糖水好夾呢度整嘅唔太甜又唔太水我好滿意😆
終於去到試吓佢嘅生醃🤤
好多人由唔敢食去到食完鍾意咗
不過腸胃敏感怕食生嘢嘅話
我建議食少少過口癮就好
生醃瀨尿蝦嘅蒜味好濃偏辣 HKD 288
其實唔係太食到本身瀨尿蝦嘅鮮味
魚露浸花甲反而有驚喜 HKD 198
新鮮得嚟大隻有肉又唔會太油太鹹
鵝片墨魚雙拼份量唔多但鹵水味唔重
鵝片唔會過肥墨魚唔係有染色嗰種
傅統炸蝦棗拼鮮拆蟹棗 HKD 168
佢係真蝦肉蟹肉炸出嚟唔係蝦丸蟹丸
唔係平時食彈牙嗰種係真材實料嘅
我自己比較鍾意食假啲嗰種🤣
最後嘅沙茶生肉炒粿條幾特別
類似陳村粉嘅粿條配份量十足嘅牛肉
同埋個沙茶醬唔太辣而且有花生味👍🏻
不過以上嘅價錢都偏高算係精緻菜式
如果要講性價比一定係偏低㗎啦
但食得出係精緻嘢手工嘢唔係普通菜式
最後食嘅清心丸綠豆爽畫上個完美句號
已經好少地方可以食到呢種糖水
其實清心丸只係馬鈴薯粉整出嚟嘅
但覺得同呢種綠豆糖水好夾
呢度整嘅唔太甜又唔太水我好滿意😆
Post
