少爺泰 (Closed)

泰國菜一向在九龍城食，今次係沙田圍站探人無意中見到呢間叫［少爺泰］鋪頭，裡面裝修得椰林樹影甘，坐位舒服，人流頗多！Mean 上第一頁有教你講泰文，好得意下首先來個沙律，青芒果MIX青木瓜$68 食上去好酸甜，仲有淡淡西芹香味,食落去好醒胃，如果加埋辣椒粉更加好！唔係炒既泰北生菜包$72 睇呢個肉碎似蒸熟，食上去酸辣的，配上生菜食好健康呢杯多啲乳酪多啲莓$52的確好飲，杯形狀好盞鬼，不過似我曾經在大埔一間叫［木船］餐廳飲過泰公主$48真名太長，省略！好重士多啤梨，加上薄和清香，食完酸辣餸，配上一杯可口飲品，個人即刻醒晨！馬拉盞炒椰菜苗$82 椰菜苗好嫩，加上佢有d蝦米，食上去好惹味！泰式（鳯尾蝦）辣椒膏炒飯$78 呈上來用竹製而成的餐具，蝦好爽囗彈牙，個飯反而不太辣，但總括來講份量多！