蠔灣 (Moved) New Location

今日出咗糧，一於今晚食蠔d,一向勁鍾意食生蠔，有朋友介紹話呢間d蠔品種多又新鮮，於是今晚就去試吓。都唔難搵，喺利時隔離，一入門口即刻有店員安排座位同介紹同今日有咩special比我地，我地d蠔由店員發板，再自己加其他野食。店員介紹我地食6款蠔，由順時針開始食，由淡味食到濃味，每款蠔都勁新鮮完全唔腥，即開生蠔係唔同d,完全唔使點醬同加檸檬汁，可以食到佢嘅原味同鮮甜。我地再叫咗個龍蝦set,都幾抵，有龍蝦刺身、龍蝦湯同龍蝦意粉，d龍蝦刺身爽口彈牙鮮甜，個湯勁濃郁嘅龍蝦味，入面仲加咗龍蝦肉去煮，而龍蝦意粉都有勁多龍蝦肉，個意粉冇overcook仲好煙韌彈牙，意粉個汁都好creamy,呢個餐非常唔錯。仲有叫咗帶子刺身，勁厚肉，係大size嘅帶子刺身，食落好鮮甜，刀背蜆爽口重海水味，另外叫咗地中海紅蝦，呢款蝦真係勁好食，個肉質勁鮮甜爽口彈牙，好濃蝦味，個蝦頭嘅膏勁正，甜過其他種類嘅蝦好多，必點。焗西班牙黑毛豬排配松露忌廉汁，個黑毛豬勁juice,完全唔鞋，豬排上面仲有好多松露粒粒，配埋忌廉汁一齊食，唔錯。