Starry Night (Closed)

餐廳位於銅鑼灣The Zing！, 以宇宙繁星作裝飾, 令人有一種超越時空嘅感覺, 室內幽暗嘅色調也帶一點浪漫。餐廳主打生蠔放題, 環境闊落又舒適, 是休閒共聚的好地方。蒜頭忌廉湯湯底濃厚又帶有蒜頭香味, 忌廉湯夠香滑。黑糖飽鬆軟香口, 食多兩件都唔會飽滯。餐前小食有八爪魚仔, 螺肉和海藻, 味道都幾惹味, 夠曬醒胃。生蠔海鮮拼盤生蠔大隻又肥美, 即開即食, 有海水味又唔會太鹹, 鮮甜美味, 伴碟嘅海螺和青口都很新鮮。主菜是西冷牛扒和羊架, 牛扒幾有牛味, 肉質唔錯。羊架嫩滑, 醃味亦適中。還有肉醬意粉和黑松露雞肉扁意粉, 意粉腍度合適, 兩款味道都唔錯, 肉醬意粉更啱口味。