Feast Oyster Bar and Restaurant (Closed)

星期六放假嚟到中環「Feast Oyster Bar & Restaurant 」食生蠔放題。呢度除咗任食生蠔之外，仲有12款小食都係任食。今次任食嘅生蠔係來自日本嘅蠔叫「真牡蠣」，啲生蠔嚟到嘅時候，估唔到咁大隻，我以為日本嘅蠔係細細隻，原來唔係，肉身亦幾厚肉，啲生蠔仲要係即叫即開。而且每位客人都會有一客蒜香牛油焗西澳龍蝦（半隻）及孔雀鮑魚（兩隻）。龍蝦肉好彈牙，鮑魚好淋，唔錯。至於12款小食就有：脆炸洋蔥圈、招牌單骨雞翼、BBQ醬燒豬肋骨、啤酒脆漿炸薯條、招牌巴馬火腿手工薄餅、肉醬意粉、叄峇青口炒飯、炸芝士釀墨西哥辣椒、西班牙炸薯球、西班牙蒜片大蝦、西班牙辣蕃茄醬拌馬鈴薯、西班牙蕃茄醬燴肉丸，呢12款小食都係任食。仲可以加$78任飲：紅酒、白酒、Sangria、汽水、咖啡&茶（不過我無錢💸，所以無加😜如果唔係⋯⋯放假喺度兩個鐘，食下生蠔🦪飲杯酒🍷都幾chill。）