Amour Corner (Closed)

朋友推介砵蘭街有間西餐好正，又有生蠔食點可以唔試下呢？大門口已放左二張餐牌，有二人餐和$128有6隻生蠔。我地點左一個經典二人餐和6點生蠔。南瓜湯好滑好creamy好甜。傳統凱撒沙律🥗有芝士碎，麵包粒和沙律菜。芝士碎撈埋脆卜卜的麵包粒和爽脆的沙律菜一起食好香。生蠔有三種不同的產地：加拿大，南非和愛爾蘭，生蠔重海水味，又夠creamy忌廉海鮮墨魚面，蝦🦐已撕開殻肉質爽口彈牙，面條又夠煙韌，味道又夠香濃。燒醬烤原味豬肋骨，醬汁好濃酸酸甜甜，肉質又夠淋又不會韌，又容易切開。薯蓉好香又滑。青蘋果鵝肝多士，鵝肝煎到外層好脆內里好滑，配上鬆脆的多士和蘋果片綜和了鵝肝的油脂。巴馬火腿蜜瓜，蜜瓜清甜配上巴馬火腿的咸香一流。奶凍好滑奶味濃郁，配上上面的草莓醬又不會太甜。