Season Oyster & Wine Bar (Closed)

衝著生蠔而來，果然冇失望。價錢抵食，仲好新鮮😋NO. 0法國生蠔 ($39/隻) 超巨型，我哋叫咗半打法國生蠔($18/隻) 。 生蠔肥美鮮甜， 肉質結實有彈性，帶點脆口。另外再點咗兩隻美國中碼生蠔試下， 入口感覺creamy， 飽滿多汁又鮮甜。餐廳仲做緊優惠，只要點一支紅酒或者白酒，就可以有多款超值優惠，例如50蚊就有1打精選生蠔。白酒煮馬尼拉蜆$78蜆肉新鮮大隻，一啲沙都冇，白酒好香。威爾斯羊仔架 $168羊仔架煎得香口, 裏面嘅肉仲有啲粉紅色，唔會太熟剛剛好。肉質嫩滑，羊味濃郁， 配脆卜卜嘅薯角同埋沙律菜。