NODI Coffee Works (浚峯) (Closed)

生酮飲食近幾年很流行，身邊都有不少朋友曾經以呢種飲食方法瘦身。 但生酮飲食有好多細節要注意，要一起出街食飯，一兩餐不難，但要長時間維持實在不易。如果要係一餐裡balance到健康、味道、享受的話，我真係建議交番比專業的來做。所以今日特地堅離地一下，去開業了兩個月的NODI Coffee Works做做文青，嘆下本地中央廚房食品品牌Cooking Mission期間限定的生酮美食。生酮松露雜菌椰菜花飯 $148椰菜花飯美味的調味係經營養師建議，採用淡忌廉、草飼牛油及黑松露菌醬。椰菜花飯份量大，即使沒有carbohydrates，依然十分飽肚。有雞肶菇、鮮冬菇等蔬菜配料，更健康。朋友的生酮肉醬千層麵 $148，香味吸引到我嚐了一口，細問下原來使用了多種特色調味：馬蘇里拉芝士碎、巴馬臣芝士粉、阿里根奴香草葉、黑胡椒及乾洋芫茜等。生酮巴斯克蛋糕 $48Keep fit都可以食甜品? 生酮飲食就可以啦的，生酮蛋糕係由杏仁粉、上乘忌廉芝士、雞蛋、淡忌廉和草飼牛油製成，甜味係採用零熱量的赤藻糖醇和阿洛酮糖取代白糖。所以甜度比一般的巴斯克蛋糕輕。飲品: Single Origin Chocolate