滷府 (Closed)

之前lunch有食過呢間，最近經過見佢有生酮系列，係椰菜花飯！係呢頭附近支持生酮餐單嘅先驅！真係無見到其他餐廳有呢樣野！平時义燒燒味一定係配飯，但又多汁又油加埋飯，對普通人都唔健康啊！同埋整椰菜花飯係巨麻煩！會切到發脾氣！切到放棄！師傅就喺門前嘅玻璃入面切野，等嘅時候完全唔會無聊，睇住佢整。特選滷味飯有豬五花腩肉，紅腸，豬耳同墨魚嘅全日套餐，每樣野都有4舊。幫我揀埋唔洗諗，直接轉生酮組合，有椰菜花飯同翠肉瓜麵，真係零罪惡感！墨魚好爽口，豬耳勁有咬口。再加份鵝紅，平時好少見，都未食過。飯本身仲跟半隻滷蛋，腐皮同酸菜。幾好食，淋咗醬油都唔係太咸，其實個餐蛋白質夠多，就算無飯無澱粉質都會勁飽！香港人好多時都食唔夠蛋白質，太多澱粉嘅惡劣飲食習慣主導。