the Engine

Open Now

Now Closed

身邊有條友仔食生酮餐，所以都有留意下有乜生酮好野食。我地發現到大角咀有間生酮/低碳漢堡包店，即刻去試試。漢堡店設計好有時代感又帶啲科幻既感覺，好型格。我地一人叫左個漢堡，另外加28蚊就有野飲同有半份小食啦。金文畢芝士牛肉漢堡從來都無諗過芝士可以整到代替麵包😮好有驚喜，兩塊烤過既厚芝士夾住新鮮既生菜、洋葱、蕃茄，加上手打牛肉，口感超豐富呀。燻三文魚牛油果生酮漢堡 呢度既麵包全部都唔用麵粉整，呢個漢堡既麵脆脆，加上牛油果蓉、煙三文魚同生菜，全部都係我鐘意既食材，好清新徤康。天貝薯條 天貝黃豆整成，好有營養，代替薯仔做薯條，有益香脆。腰果芝麻醬牛肉丸，口感特別，芝麻醬令牛肉既味道好香，仲有好多沙律菜👍。低糖密桃烏龍茶，好清甜，個罐都好特別，唔會倒滯。