當文歷餅店 by Dominique Ansel (Closed)

終於有時間朝聖！餅名由著名餅師開設，係紐約被譽為一生人一定要去一次！香港新店大玩本土文化元素，以為得幾款港產甜品搞下gimmick，揭開menu 發現款式有不少，而且像真度高！除了港人常吃食的魚蛋、燒賣、檸茶外，還有小籠包、皮蛋、通心粉，連黑白牛奶罐都用，夠晒心思～菠蘿包賣相精緻，外層是椰子mousse，棷香十足。假牛油由海鹽mascarpone cream造成，幼滑帶有點點鹹味，令味道提升。中間藏著菠蘿、青檸、熱情果醬，酸酸甜甜，中和了上兩層的甜膩亦令口感更豐富。包底用上椰子達克瓦茲，口味統一。檸檬茶吸睛度爆燈！一盒唔夠重可以order 半打做生日蛋糕~haha外層由白朱古力打造，我直接放棄。檸茶有茶味！裡面是伯爵茶mousse，中間黃色部分唔係檸檬，而係佛手柑奶酪。吃一口，先嘗到伯爵茶味，佛手柑味隨後慢慢滲出，不錯。