泰金國 (Moved) New Location

呢間餐廳都有食過三四次，第一次係因為啲朋友介紹好味同埋夠平，於是之後帶埋阿爸阿媽嚟食。點知阿媽作為一個食家，竟然話啲生蝦唔新鮮，又話啲嘢食無鮮味，最後來到今次自己食多次，就發現阿媽嘅味覺先係最可靠！呢間鋪頭walk in要等好耐，所以我每次都WhatsApp留定枱，要人齊先入得。今次平日夜晚七點半去到，都見到已經好多人排隊入面座位唔多，環境簡陋，不過都闊落，唔會話容易撞到隔離枱泰式醉貓炒金邊粉都幾辣，自己都食得辣嘅但都有少少嗆口，入面有配肉碎同蔥黎炒，個味道好夠好濃味，金邊粉都炒得好爽口，唔會濕漉漉，成碟菜好惹味泰式馬拉盞炒通菜味道較鹹，個醬汁食到有蝦味，但菜葉比較少，好多時候食到啲木枝，或者係一啲乾晒嘅菜葉泰式蒜蓉包聞落幾香，但無乜蒜蓉味，淨係食到幾濃嘅牛油味，包面亦唔夠香脆，成塊包都係軟腍腍嘅泰式咖哩炒蜆啲咖哩好黏，咖喱汁唔夠香濃，蜆肉冇乜沙，但同時亦都冇乜咖喱味，似係煮熟啲蜆肉先再放落啲咖喱上面泰式燒豬頸肉就幾好食，燒到啲豬頸肉嘅邊香香脆脆咁，咬落啲豬油香出晒嚟，只係上菜嘅時候溫度都爭小小唔夠熱。另外嗰醬汁好襯個豬頸肉另外叫咗餐單上面冇嘅生蝦，一盤大約有七至九隻，視乎每隻嘅大細。