Video
Read full review
2023-10-19
1882 views
Airside要數餐廳佈置最用心的一定係Gooca，之前周末路過實在太多人等位，今晚未夠6點去到總算霸到張門口位，望向窗嘅方向睇晒全店露營風設計，成個感覺係超！級！chilled！除咗用上大帳幕裝飾天花，餐廳用嘅水壺、餐枱、餐具等都係露營用品，每枱仲有一盞小營燈；最驚喜嘅係一到夜晚餐廳會轉用夜間模式，燈光調暗再為客人開着小營燈，環境好有feel坐到唔捨得走😀😀😀食物方面畢竟係走露營風餐廳，餐點都以簡約為主，但簡約之餘亦不失創意，好似我地嗌嘅picnic set，餐湯係露營用嘅不鏽鋼手柄碗裝住，意粉捏成冬甩形再去焗，賣相有特色；幾欣賞呢度嘅醬汁，令個沙律菜好開胃。另外都試咗呢度嘅三文治，可以揀bagel、法包或者牛角包，店員貼心提醒邊啲餡料會較凍，邊啲偏常溫，我地叫咗牛肉餡嘅牛角包，牛角包微暖但夠脆，牛肉係酒店常見嘅燻牛肉片，勝在唔鞋醬汁又夠惹味。小食蝦多士夠脆，蝦肉份量多，點沙律醬食好正飲品方面叫咗Matcha Coconut Latte，會比起平時嘅鮮奶抹茶清淡啲，但都唔錯嘅～
除咗用上大帳幕裝飾天花，餐廳用嘅水壺、餐枱、餐具等都係露營用品，每枱仲有一盞小營燈；最驚喜嘅係一到夜晚餐廳會轉用夜間模式，燈光調暗再為客人開着小營燈，環境好有feel坐到唔捨得走😀😀😀
食物方面畢竟係走露營風餐廳，餐點都以簡約為主，但簡約之餘亦不失創意，好似我地嗌嘅picnic set，餐湯係露營用嘅不鏽鋼手柄碗裝住，意粉捏成冬甩形再去焗，賣相有特色；幾欣賞呢度嘅醬汁，令個沙律菜好開胃。
另外都試咗呢度嘅三文治，可以揀bagel、法包或者牛角包，店員貼心提醒邊啲餡料會較凍，邊啲偏常溫，我地叫咗牛肉餡嘅牛角包，牛角包微暖但夠脆，牛肉係酒店常見嘅燻牛肉片，勝在唔鞋醬汁又夠惹味。
小食蝦多士夠脆，蝦肉份量多，點沙律醬食好正
飲品方面叫咗Matcha Coconut Latte，會比起平時嘅鮮奶抹茶清淡啲，但都唔錯嘅～
Post
