Video
Read full review
2010-09-27
14 views
晞晴之前咁啱經過呢間食肆, 喺外面見到佢哋嘅餐具同點心都好"的"色就係咁諗住去呢間食肆度試吓啦!~因為仲早嘅關係 , 一到咗呢間食肆就可以直接入去用膳啦~~~首先吸引晞晴嘅, 係佢哋枱面上嘅小型茶煲, 而且仲有小型嘅爐一直加熱煲裡面嘅水呢!~原來, 呢間食肆都有好多唔同嘅茶供應俾客人, 有鐵觀音啦, 香片啦, 普洱啦, 菊花啦, 玄米綠茶啦... 晞晴就選擇咗鐵觀音同玄米綠茶!~ 飲落啲茶味都好濃呢!~ 而且, 沖咗好多次水都冇沖淡啲茶味!~其次吸引晞晴嘅, 就係佢嘅蒸籠!!! 有方嘅, 有大大嘅圓形蒸籠!~ 喺其他食肆真係好少見, 呢間食肆好有佢嘅特色呢!~講返正題 - 食物!!!今日晞晴食咗好多唔同嘅點心: 馬拉糕: 原來一份都好大呢~~~ 佢外面就蒸得熱熱的... 但係... 裡面就爭小小... 有啲硬硬... 凍凍咁... 有啲可惜呢... 但係... 個味道都好唔錯!~ 唔似外面啲咁甜!~ 雙式叉燒飽: 佢一半係正常白麵粉同另一半係小麥做嘅飽皮呢!~ 睇得出廚師注重要求食得健康嘅客人, 佢嘅小麥叉燒飽, 一口咬落去, 啲麥味充斥喺個口裡面!!! 叉燒醬汁小小偏甜, 但係整
就係咁諗住去呢間食肆度試吓啦!~
因為仲早嘅關係 , 一到咗呢間食肆就可以直接入去用膳啦~~~
首先吸引晞晴嘅, 係佢哋枱面上嘅小型茶煲, 而且仲有小型嘅爐一直加熱煲裡面嘅水呢!~
原來, 呢間食肆都有好多唔同嘅茶供應俾客人, 有鐵觀音啦, 香片啦, 普洱啦, 菊花啦, 玄米綠茶啦...
晞晴就選擇咗鐵觀音同玄米綠茶!~ 飲落啲茶味都好濃呢!~ 而且, 沖咗好多次水都冇沖淡啲茶味!~
其次吸引晞晴嘅, 就係佢嘅蒸籠!!! 有方嘅, 有大大嘅圓形蒸籠!~ 喺其他食肆真係好少見, 呢間食肆好有佢嘅特色呢!~
講返正題 - 食物!!!
今日晞晴食咗好多唔同嘅點心:
馬拉糕: 原來一份都好大呢~~~ 佢外面就蒸得熱熱的... 但係... 裡面就爭小小... 有啲硬硬... 凍凍咁... 有啲可惜呢... 但係... 個味道都好唔錯!~ 唔似外面啲咁甜!~
雙式叉燒飽: 佢一半係正常白麵粉同另一半係小麥做嘅飽皮呢!~ 睇得出廚師注重要求食得健康嘅客人, 佢嘅小麥叉燒飽, 一口咬落去, 啲麥味充斥喺個口裡面!!! 叉燒醬汁小小偏甜, 但係整體上真係好夾, 好好味呢!~~~~
珍珠雞: 真係好珍珠!!! 兩啖就食哂呢隻珍珠雞!!! 晞晴真係好希望隻珍珠雞可以大返小小呢...
燒賣: 呢度出品嘅燒賣係有五粒嘅呢~~~ 上面放咗好新鮮嘅蝦子~~~ 唔似外面嘅燒賣咁... 包住好多肥豬肉, 呢度嘅燒賣可以話冇太多肥豬肉, 有嘅係好多蝦同瘦豬肉呢!~ 咬落去啲肉汁仲保留住喺燒賣裡面~~~ 好好味喔~~~
奶黃飽: 會流汁嘅奶黃飽!!! 一口咬落去, 啲奶黃就流哂出嚟啦~~~ 呢個奶黃飽真係要好小心食, 唔係嘅話真係會燙傷自己嘅嘴呢!~
蝦腸: 佢嘅腸粉真係做得一絕!!! 滑得嚟又唔係"削" 嗰隻!!! 唔小心跌咗落張枱度, 佢唔會散!!! 仲可以原條夾返起!!! 係晞晴食咁多間食肆當中, 呢間腸粉係做得最好嘅呢!~
蝦餃: 同燒賣一樣!!! 都係五粒呀!!! 佢嘅蝦餃都係冇肥豬肉喺裡面呀!!! 一口咬落去, 會有汁爆出嚟呀!!! 满口嘅荀同蝦... 真係好满足嘅享受呢~~~
牛肉: 一籠四粒嘅牛肉! 牛肉彈牙!!! 就已經唔洗講任何嘢~~~
潮州粉果: 佢嘅皮真係好透明!!! 咬落去勁彈牙, 勁煙韌!!! 裡面嘅料又好多!~ 勁讚!!!
除咗佢嘅食物質素有中上嘅水準之外, 呢間食肆嘅服務都好唔錯!~ 侍應好勤力幫客執走嘅蒸籠, 加水咁!~ 但係... 唔知係唔係新嘅關係... 啲侍應都落漏咗單... 不過, 整體嚟講, 晞晴都滿意呢間食肆呢!~
Post
