Video
Read full review
2023-09-12
33 views
今日同媽媽去大角咀行吓，原來有個新商場叫「利奧坊」，裏面有幾間新開嘅餐廳，媽媽話好耐無食西餐，所以揀咗間叫Macroonies 嘅意大利餐廳食。佢個餐牌主要分頭盤，沙律，湯，薄餅，意粉及飯，主菜同我個人認為一餐之中最重要甜品!本來想試佢嘅意式牛肉刺身，點知佢話因黑雨,嚟唔切貨，推介我哋食慢煮手撕牛肉沙律 $108，真係無介紹錯！沙律菜切得好啱入口嘅Size, 加上青瓜片,番茄仔，蔥粒，辣椒沙律醬等等，配料都好新鮮，菜係爽脆的！重點係面頭嘅牛肉，牛肉係以黑啤淹過再慢煮，牛肉係手撕的，肉質好嫩，黑啤牛肉汁和近似墨西哥汁的辣椒沙律醬成為左成個沙律嘅靈魂！可以話係必點之選！我係Spaghetti Aglio e Olio 嘅Fans，幾樣好簡單嘅材料去煮成一道超美味嘅菜式，不花巧，不雕琢，絕對好考廚師嘅功力，依間一定有80分以上，尤其是意粉係好有咬口同彈牙。另外我地點左烤羊架配瑪莎拉醬，每件羊架都烤得好好，外面有少許焦脆感，唔會太燶，裏面就燒到好靚，近7成熟，帶少少血同淋身，十分出色！最後點左Tiramisu 做甜品，重重的Mascarpone Cheese密度打得適中,而且lady fing
今日同媽媽去大角咀行吓，原來有個新商場叫「利奧坊」，裏面有幾間新開嘅餐廳，媽媽話好耐無食西餐，所以揀咗間叫Macroonies 嘅意大利餐廳食。
佢個餐牌主要分頭盤，沙律，湯，薄餅，意粉及飯，主菜同我個人認為一餐之中最重要甜品!
本來想試佢嘅意式牛肉刺身，點知佢話因黑雨,嚟唔切貨，推介我哋食慢煮手撕牛肉沙律 $108，真係無介紹錯！沙律菜切得好啱入口嘅Size, 加上青瓜片,番茄仔，蔥粒，辣椒沙律醬等等，配料都好新鮮，菜係爽脆的！重點係面頭嘅牛肉，牛肉係以黑啤淹過再慢煮，牛肉係手撕的，肉質好嫩，黑啤牛肉汁和近似墨西哥汁的辣椒沙律醬成為左成個沙律嘅靈魂！可以話係必點之選！
我係Spaghetti Aglio e Olio 嘅Fans，幾樣好簡單嘅材料去煮成一道超美味嘅菜式，不花巧，不雕琢，絕對好考廚師嘅功力，依間一定有80分以上，尤其是意粉係好有咬口同彈牙。另外我地點左烤羊架配瑪莎拉醬，每件羊架都烤得好好，外面有少許焦脆感，唔會太燶，裏面就燒到好靚，近7成熟，帶少少血同淋身，十分出色！
最後點左Tiramisu 做甜品，重重的Mascarpone Cheese密度打得適中,而且lady finger 沾滿了濃濃嘅咖啡酒，令Tiramisu 成個靈魂都出晒嚟!
Macroonies 係一間好有心，招呼一流嘅食店，值得推介俾大家！
Post
