Video
Read full review
2019-05-29
374 views
今日下午要去尖沙咀會合朋友， 打算先吃午餐。 經過金馬倫道 有間裝修得幾潮嘅粉麵店， 正合心意想吃潮州嘅河粉。雖然係食中式粉麵不過都有型格嘅裝修。每張 點菜紙都可以 重用， 因應個人口味可以揀唔同配料芽菜，冬菜 ，芫茜蔥等等。揀了店家招牌推介《自家牛三鮮》，非常期待！牛爽腩嘅部分， 最為肥美， 肥瘦相間，又夠厚切，肉味濃， 份量足。 牛筋都超大件又入味又夠腍。 第三鮮係牛肚， 估唔到軟韌度剛剛好， 唔會炆到好似酒樓點心咁腍到一咬就爛， 做到保持咬囗。河粉幼細，滑得嚟好爽口。加咗超級推介嘅墨魚丸， 內有墨魚粒， 夠曬真材實料。留意到檯上嘅調味料 齊備而且有特色， 分別有一瓶<黃燈籠椒>和<紅燈籠椒> 做嘅辣醬。 有天然嘅辣椒香味， 冇油份，好西式嘅椒蓉!麵食轉加特飲$10@分別試咗《話梅柚子雪碧》和《咸檸雪碧》用咗支裝嘅雪碧， 雪碧本身已雪凍而且仲有冰杯底， 淨係睇都覺得非常解渴消暑！話梅柚子味道更多一個層次， 個人較喜歡鹹檸雪碧。炸鯪魚球熱辣辣 上枱， 夠香口， 好彈牙，凍咗少少都唔會縮水， 蘸上最夾嘅蜆蚧 最為鮮味！試咗少少《魚三鮮》仲加了 紫菜。 魚
今日下午要去尖沙咀會合朋友， 打算先吃午餐。 經過金馬倫道 有間裝修得幾潮嘅粉麵店， 正合心意想吃潮州嘅河粉。
雖然係食中式粉麵不過都有型格嘅裝修。
每張 點菜紙都可以 重用， 因應個人口味可以揀唔同配料芽菜，冬菜 ，芫茜蔥等等。
自家牛三鮮
14 views
0 likes
0 comments
揀了店家招牌推介《自家牛三鮮》，非常期待！
牛爽腩嘅部分， 最為肥美， 肥瘦相間，又夠厚切，肉味濃， 份量足。 牛筋都超大件又入味又夠腍。 第三鮮係牛肚， 估唔到軟韌度剛剛好， 唔會炆到好似酒樓點心咁腍到一咬就爛， 做到保持咬囗。
河粉幼細，滑得嚟好爽口。
加咗超級推介嘅墨魚丸， 內有墨魚粒， 夠曬真材實料。
留意到檯上嘅調味料 齊備而且有特色， 分別有一瓶<黃燈籠椒>和<紅燈籠椒> 做嘅辣醬。 有天然嘅辣椒香味， 冇油份，好西式嘅椒蓉!
麵食轉加特飲$10@
10 views
0 likes
0 comments
分別試咗《話梅柚子雪碧》和《咸檸雪碧》
用咗支裝嘅雪碧， 雪碧本身已雪凍而且仲有冰杯底， 淨係睇都覺得非常解渴消暑！
話梅柚子味道更多一個層次， 個人較喜歡鹹檸雪碧。
炸鯪魚球熱辣辣 上枱， 夠香口， 好彈牙，凍咗少少都唔會縮水， 蘸上最夾嘅蜆蚧 最為鮮味！
試咗少少《魚三鮮》仲加了 紫菜。 魚角好爽彈， 魚味夠濃。 唯獨個粗麵鹼水味比較重。
《豬手麵》 豬手夠腍夠入味。
4 views
0 likes
0 comments
是日油菜亦非常驚喜， 竟然是又甜又嫩嘅菜心！
一般茶餐廳嘅油菜都比較老。
吃畢枱上食物 都感到非常滿意， 食物由湯底，粉麵， 調味料，用料到飲品設計都用心做絕不馬虎。
Post
