Pause It (Moved) New Location

平日嘅下晝經過旺角麥花臣球場， 眾多嘅食肆唯獨這cafe門口 有七，八個 人排隊等位， 再望真啲～～ 清一色都係年青人 ～～ 好多加油memo ～ 似乎係一間好受歡迎嘅黃店。小店裝修雅緻簡潔， 給人舒服悠閒的感覺 。主打各種咖啡，特飲，意粉，輕食。熱朱古力$40 外面天氣炎熱， 小朋友依然想喝一杯有拉花的熱飲😘🍵 ， 對佢哋嚟講拉花係新奇事物～Regular size 都相當大杯 😍， 影咗好多相先捨得飲。 朱古力味香濃 ，唔會太甜， 鮮奶令朱古力更滑身。桂花培茶拿鐵 $42 顏色好靚， 桂花和焙茶味道清幽回甘， 唔苦澀， 咖啡味唔重， 和桂花味道互相平衡， 夠解渴清潤嘅拿鐵！ 煙三文魚藜麥意大利飯$88賣相實在太靚， 煙三文魚捲成花瓣狀， 卷得細緻型似， 忍唔住來個大特寫， 廚師手藝了得， 美感十足！ 當然味道都唔差，意大利飯煮得啱啱好， 忌廉，奶味唔會太濃。忌廉菠菜蟹肉扁意粉$88也是色香味俱全的一道意粉～🍝 香味來自一片片的芝士， 鹹香味濃，加上忌廉醬汁， 扁意粉口感豐富幼滑。 再加上不少的蟹肉， 做得好吃有水準！