不toast不快 (Closed)

今日去葵芳嗰度影下勞蘇 然後就去葵廣行街兼掃街喇 由於晏晝嘅時候食咗buffet所以唔係好肚餓 就上咗最頂嗰層行咗個圈 睇下有乜好食 見到呢間係賣toast嘅都好似ok 所以就叫左個流心芝士拉絲吐司大概等左五分鐘到就有得食啦 佢嘅賣相都好靚仔㗎 爆哂餡吐司有輕輕烤過 個面脆脆地 有層炒蛋喺面 再加啲沙律同茄汁醬炒蛋好滑 不過咬嘅時候真係要好小心 有種喺度玩層層疊嘅感覺😆 因為如果咬得唔啱位可能啲餡就會跌曬㗎啦🙈 佢用左幾款芝士 真係做到拉絲嘅效果 咬落中間仲有啲椰菜絲 口感有層次 食完呢個多士好滿足 係一間有心製作嘅小店