樂樂冰室

Open Now

Now Closed

上水呢幾條街都好多開左好多年嘅冰室，今日就搵左呢間樂樂冰室試下。午餐時間，都真係好多人，甚至門口都有人等緊位，睇嚟應該都幾好食。一坐低店員就介紹食焗豬扒飯，望下餐牌見到寫住自家制鮮茄醬仲要用水牛芝士，於是就決定要佢啦，份量雖然唔算好大份，豬扒已經切件而且都好大塊，個鮮茄醬岩岩好唔會太酸亦都唔會太甜，芝士味真係夠香，仲要可以拉絲，仲要炒飯底，真係無敵。而男朋友就叫左鮮牛通粉+煎熟蛋餐肉再加奶醬多，個煎蛋真係好食蛋香味濃仲要有2隻份量。鮮牛亦都唔會韌，出色。見到佢嘅奶醬多，都好想試下西多，不過聽到隔離台叫個陣話廚房忙所以唔接住單，下次一定要再嚟試試先得。