KS Cafe (Closed)

天后其實都好多美食，近來仲越黎越多樓上餐廳，今日經過呢度就上左7樓既KS cafe，多得樓下既易拉架，貼埋menu同價錢，可以睇埋有咩好食。環境勁舒服，同朋友食飯傾偈坐到唔想走。巴馬火腿蜜瓜，從來都係絕配，蜜瓜好甜仲有我至愛火箭菜好好味。特級安格斯肉眼扒，外面煎得香之餘入面既肉汁完全被鎖住，每一口都好juicy，仲有d配菜都超正，我全部KO晒！海鮮墨汁意大利麵又香，麵唔會太硬，海鮮料都好足，大蝦、魷魚、青口好好食！平時討厭牛油果成pat野，但呢個牛油果海蝦釀燒烤菇整得好好，結結實實既牛油果，大大隻海蝦配埋勁多汁既燒菇，真係好食到無法形容！士多啤梨什果汁，係新鮮水果既氣味呀，仲有迷人pink lady既顏色奪目，非常之透心涼同好解渴。