K&L Dream Cafe (Closed)

餐廳室外環境充滿田園風適合帶寵物人士，而室內近廚房位有一排水昌掛飾，另原本簡約既佈置有d點綴。另外員工既服務態度都好好。餐湯南瓜忌廉湯依個南瓜湯真係好真材實料，除左飲到甜甜既南瓜味仲會食到南瓜蓉，同洋蔥蓉。鮮蝦肉茄子南瓜忌廉汁三色螺絲粉$98D蝦除咗煎到金黃色而且每隻蝦口感都好爽同彈牙，另外螺絲粉真係好好味，忌廉汁多到每條螺絲粉都吸住晒d汁，加上d汁又濃。阿拉斯加長腳蟹棒蟹籽沙律醬PIZZA配雜菜沙律$88雖然pizza係即叫即整，但等候既時間唔算好耐，Pizza 嚟到既時候仲好熱辣辣，d芝士除左可以拉絲，好足料。 餐飲凍檸茶FLAT WHITE(雖另加$25）餐廳既咖啡豆係用本地烘焙，加上味道會較苦同甘，適合鍾意飲濃味咖啡既人。