Video
Read full review
2017-11-19
1081 views
好耐無食泰國菜啦，想揾間有特色的泰國餐廳同朋友聚一聚，一行四人來到灣仔MAZ Thai &BBQ,因為見好多外國人來食，閒日都坐滿晒，好熱鬧！見佢餐牌都好多選擇，問下職員有咩好介紹。原來是日精選有個三味蟹$336，一隻蟹三種食法，就點佢啦，睇下如何特別。三味蟹上桌熱辣辣的，原來賣相咁靚！第一個食法是將兩隻蟹鉗外面以墨魚滑包住再炸，就是飲宴菜式中的百花釀蟹鉗沒有了百花，但多了泰式辣醬，味道立刻由中式變泰式，外層脆脆的，蟹鉗肉有墨魚滑保存肉汁，一咬下肉汁都流出來了，很有鮮味又香口，而且蟹鉗肉還很嫩滑，証明夠新鮮，又大隻！再來第二種食法，就是蟹蓋起肉起糕，加了蛋白和爽口的蔬菜粒炒，放回蟹蓋上，超有心思！好像上海菜式賽螃蟹的做法，就是多了蔬菜粒增添口感，味道清淡，配牛油焗蒜蓉包食，變成鮮味蟹醬，每啖都是蟹肉又滑又有蟹味，似在吃fushion菜呢！剩下蟹身和蟹脚，就是第三個食法，咖喱焗蟹，不辣的咖喱，充滿椰汁香味，奶味濃，配上咖喱香料，是個香甜的咖喱汁，而且熱騰騰，如果有飯撈來吃最好！啱晒香港人口味，蟹肉配咖喱汁原來會更覺鮮甜呢！職員仲介紹我地試下冬陰公湯配特級牛頸脊$188，呢個就是打邊爐的食
見佢餐牌都好多選擇，問下職員有咩好介紹。
原來是日精選有個三味蟹$336，一隻蟹三種食法，就點佢啦，睇下如何特別。
三味蟹上桌熱辣辣的，原來賣相咁靚！第一個食法是將兩隻蟹鉗外面以墨魚滑包住再炸，就是飲宴菜式中的百花釀蟹鉗沒有了百花，但多了泰式辣醬，味道立刻由中式變泰式，外層脆脆的，蟹鉗肉有墨魚滑保存肉汁，一咬下肉汁都流出來了，很有鮮味又香口，而且蟹鉗肉還很嫩滑，証明夠新鮮，又大隻！
再來第二種食法，就是蟹蓋起肉起糕，加了蛋白和爽口的蔬菜粒炒，放回蟹蓋上，超有心思！好像上海菜式賽螃蟹的做法，就是多了蔬菜粒增添口感，味道清淡，配牛油焗蒜蓉包食，變成鮮味蟹醬，每啖都是蟹肉又滑又有蟹味，似在吃fushion菜呢！
剩下蟹身和蟹脚，就是第三個食法，咖喱焗蟹，不辣的咖喱，充滿椰汁香味，奶味濃，配上咖喱香料，是個香甜的咖喱汁，而且熱騰騰，如果有飯撈來吃最好！啱晒香港人口味，蟹肉配咖喱汁原來會更覺鮮甜呢！
職員仲介紹我地試下冬陰公湯配特級牛頸脊$188，呢個就是打邊爐的食法啦，冬陰公湯做湯底可以飲埋湯。
牛頸脊呢個部位肉色鮮紅，灼完也比較深色。肉質很爽口有彈性，食到很新鮮的肉香，不用點汁已好夠味，因為冬陰公湯的湯底超濃蕃茄味，食牛頸脊肉已經食到冬陰公湯味，証明個湯好足料，飲啖湯㗳真d，仲有好多泰式香料如香茅、椰汁等落去煮，小辣多酸，超開胃！
泰式柚子沙律$88,在其他餐廳都食過，但呢度的柚子沙律最推介，因為柚子是大大片的上碟，份量都幾多，其他餐廳多數是把柚子拆粒粒碎上。味道不苦澀，清甜多汁，醬汁椰油味突出，配上炸葱頭碎、酸辣汁、香料等，拌勻來吃有多重口感。
正宗泰式生菜包$116,肉碎超好味！有麻辣的香，肉碎好彈牙又有肉汁，濃淡得宜，平時食生菜包的肉碎通常是較乾身的，估唔到呢度炒等咁有鑊氣仲可以保留肉汁，還加了泰式香料炒的，令麻辣香、鑊香揮發得更好，包生菜一起吃，增添清新爽口感，賣相平凡但味道很有驚喜！
菠蘿炒飯$88,呢個飯抵食，因為在茶餐廳食一碟份量差不多，但都無咁多料，d菠蘿真係每啖飯都食到，大大粒，甜甜酸酸又多汁，飯有椰香，配料還有肉鬆、蝦仁、腰果，混在一起吃，甜酸香脆樣樣齊，整個飯口感豐富，不油膩，推介！
仲叫左幾杯飲品，黄色是菠蘿沙冰，白色是榴槤沙冰，每杯$36, 兩杯沙冰都是用新鮮果肉打起的，飲落啖啖都有菠蘿肉，菠蘿汁甜甜的，微酸，食得飽飲返啖消滯，中和一下食物的濃味。
榴槤沙冰不用說，一上桌已聞到榴槤飄香，喜歡食榴槤的人一定要試下，因為真係有榴槤肉打碎在沙冰內，有濃稠、滑滑的口感，又香甜，另一位朋友唔鍾意榴槤味，覺得好臭，但喜歡榴槤的人會覺得這才是榴槤味！
椰青 $48,一睇就知新鮮！白白的椰肉還可挖出來吃，椰汁滿瀉，清甜的椰青水解渴一流啦！當飯後甜品都唔錯！
不過真正的甜品係呢個，芒果糯米飯$66,等佢即叫即製要d時間，未食過有咁靚賣相的！攞上手仲係熱的，上面鋪滿椰汁，用小匙羹拌一下糯米飯才吃，很喜歡糯米飯軟綿綿暖笠笠的感覺！椰汁又香，微甜，芒果新鮮，無渣，入口即溶，甜甜哋，同椰汁的微甜加起來就剛好！喜歡吃甜品的人要試下，我地都食到好滿意！
總結呢餐的菜式都有幾款水果，菠蘿、芒果、柚子、榴槤、椰青，全都係新鮮好味，肉類都係高質素，所以聽職員介紹真係無錯！食完好似去完一轉泰國咁開心！埋單加一後$1102, 4個人食晚飯來說都ok, 氣氛好，服務又好，有位外藉職員好熱情咁同我地傾計問下食物如何，好搞笑，梗係滿意啦！
Post
