犇 (Closed)

午市時間12點幾到，餐廳係開放式廚房，一個廚師2 個侍應，餐廳當時只有10個客，一坐底侍應即刻送來檸檬水，之後介紹一輪餐牌，我點了燒豬仔肋骨伴薯條，我同事點了紫蘇醬田縲意粉，同事意粉先到，上面有約莫10粒田縲，比想像多，同事話意粉唔係茶餐廳意粉，彈牙好多，醬汁亦炒至乾身先，唔會淋Bap bap。等多一陣我的燒豬仔肋骨就到，先講伴菜有沙律薯條，沙律菜一睇就知係手切，估唔到餐廳仔會用甘多心機係好多人都唔食既伴菜到，上面再加醋汁，入口感覺新鮮﹔薯條有加鬼佬餐廳愛用既辣粉，熱喇喇即炸上碟，就甘食都已經好好味，另外一隻小碟裝左茄汁，相信係配合香港人口味﹔到燒豬仔肋骨，BBQ醬料加上嫩滑既真正BB豬，真係超正，唔怪之得個女侍應話係招牌。埋單無加一，有餐湯或餐飲，比起茶記都係多十元八塊，絕對超值。 P.S. 餸到既時候已經全餐廳滿座，仲有人排緊隊。