Video
Read full review
2021-09-16
52 views
今日老闆突然同我講午餐帶我去食好西😎，就揸車嚟左位於銅鑼灣呢間【佳牛美酒】餐廳，標榜選擇牛嘅標準以精品為指標的西，日式燒肉店！打開餐牌見到佢Lunch Set嘅價錢由HK$188的定食至HK$780 9️⃣道菜定食都有！於是就叫咗兩款定食試吓係唔係真係咁正！🍡炭燒雞扒定食 HK$188雖然都知呢間餐廳主打食牛，但係始終都想試吓唔同嘅種類！所有定食都包括左前菜，日式湯，芝麻水菜沙律，同日本米飯！都唔好以為份量好少，其實食完都真係幾飽㗎！前菜主要有五款小食組成，有蒜頭漬，紫菜蛋卷，海膽三文魚，薯仔沙律，同埋螺肉！特別推介佢嘅薯蓉，薯蓉真係好綿密，配埋魚子個口感好正！而且蒜頭漬都好特別，味帶麵豉但唔鹹，卻能蓋過蒜頭本身嘅衝擊味！炭燒雞扒配上兩款醬汁，黑椒汁同檸檬芥茉可以等大家選擇，我個人比較偏好黑椒汁！起初黑椒味其實冇咁濃烈，但喺口中醞釀一陣之後，黑椒嘅後勁突然變得好強！呢種味感我都係第一次試，相信都係餐廳自家製，係一種會令我不停想繼續食嘅醬汁！而雞扒亦都剪得外皮好脆，內裡幼嫩，就算我掛住影相變到凍左啲都無影響！🍡The Prestige HK$780呢個係一款九道菜嘅午市套餐！▪️季節前菜拼盤▪️
打開餐牌見到佢Lunch Set嘅價錢由HK$188的定食至HK$780 9️⃣道菜定食都有！於是就叫咗兩款定食試吓係唔係真係咁正！
🍡炭燒雞扒定食 HK$188
雖然都知呢間餐廳主打食牛，但係始終都想試吓唔同嘅種類！所有定食都包括左前菜，日式湯，芝麻水菜沙律，同日本米飯！都唔好以為份量好少，其實食完都真係幾飽㗎！
前菜主要有五款小食組成，有蒜頭漬，紫菜蛋卷，海膽三文魚，薯仔沙律，同埋螺肉！特別推介佢嘅薯蓉，薯蓉真係好綿密，配埋魚子個口感好正！而且蒜頭漬都好特別，味帶麵豉但唔鹹，卻能蓋過蒜頭本身嘅衝擊味！
炭燒雞扒配上兩款醬汁，黑椒汁同檸檬芥茉可以等大家選擇，我個人比較偏好黑椒汁！起初黑椒味其實冇咁濃烈，但喺口中醞釀一陣之後，黑椒嘅後勁突然變得好強！呢種味感我都係第一次試，相信都係餐廳自家製，係一種會令我不停想繼續食嘅醬汁！而雞扒亦都剪得外皮好脆，內裡幼嫩，就算我掛住影相變到凍左啲都無影響！
🍡The Prestige HK$780
呢個係一款九道菜嘅午市套餐！
▪️季節前菜拼盤
▪️燒A5和牛沙律
▪️炭燒日本手羽先
▪️燒日本北海道帶子
▪️澳洲和牛牛小排
▪️美國S R F極黑和牛BMS 9+西冷
▪️日本A5和牛西冷溫泉蛋飯
▪️日式湯
▪️特色甜品
✨沙津帶有少少芥末味，和牛本身因為醃製過，所以食到好香嘅牛味！
✨北海道帶子因為有檸檬汁嘅加持，除咗食到好香嘅炙燒味之外，亦都食到帶子本身嘅鮮甜味！
✨牛小排
我好欣賞呢度嘅廚師係一邊燒牛小排嘅同時，一邊將鐵網不停轉唔同嘅角度等牛小排嘅生熟程度變得更加均勻！牛小排本身因為經味噌醃製過，所以味道一流！而且因為廚師嘅煮法，成塊肉都好嫩同埋都保持到肉汁！
✨SRF和牛西冷
和牛西冷色澤都幾紅潤，食落牛味好出，而且好嫩滑同好Juicy，就算只配上准鹽都已經一流！
✨和牛西冷溫泉蛋飯
和牛真係燒得好滑嫩，完全唔會有煮得過老或者嚡既感覺，就算咁薄既一塊牛都有好香既牛味同埋油脂味！再加上蛋的香汁，真係好味到不能形容！
✨檸檬雪芭
終於去到最後一個course，檸檬雪芭好清新，完全refresh返頭先食咗咁多個course和牛帶來嘅油膩感，作為終結今日嘅一餐好合適！
食完全程lunch，感覺到餐廳嘅細心，廚師每煮完一道菜都會用新嘅鐵網煮下一道菜，而且放低食物嘅時候會主動幫你搵影相嘅最佳觀感，而侍應見到你食完每一道菜都主動幫你去換碟，所以呢個價錢其實真係值回票價！
Post
