DR. COW 牛扒專家

Open Now

Now Closed

今日入大圍搵friend 食飯，佢就話想試下食呢間位於下徑口村嘅隱世小店。我地喺火車站附近搭左架小巴行多5分鐘左右就到左餐廳。鋪頭入面雖然唔大，但勝在乾淨，裝潢簡單。我地飲左個自家製手作餐湯，個店員話D湯每期唔同，佢地會睇當造食材先決定整咩湯。個湯好濃，十分之香。我地分別點左杯芒果奶昔同埋烏龍茶底嘅鴛鴦，前者啱曬食完佢個三麻雞腎之後解少少辣，後者個茶底夠曬特別。之後叫左個美國極黑和牛碎彼得包配薯條，同埋食左個牛肉蒜辣芫茜炒扁意粉，兩個嘅牛都煮得恰到好處，睇得出店係對牛有d執著！我地仲試左佢個頂級’燒牛肉’沙律，佢個牛肉會不定時轉款，而我地果日食嘅時候係封門柳，真係要讚下個牛好重牛味，d肉質好嫩。