688

Open Now

Now Closed

呢間北角川菜餐廳開咗唔夠一年，價錢平民化，間唔時午餐會嚟試吓。餐廳主打家常川菜，味道偏重，但不失用心。餐廳的老火湯味道濃郁，用料扎實，絕對唔係求其煲出嚟嘅版本，暖胃又滿足。農家川味回鍋肉肉片爆炒得香氣十足，唔會太乾，配搭大量蔬菜同辣椒，辣味適中，帶有濃郁嘅椒香，但又唔會過火，非常餸飯。雖然川菜一向重油，呢道菜望落係油份偏多，但食落去完全唔覺膩口。午市套餐主食可以改配擔擔麵，麵質少少彈牙有口感，湯底帶濃濃嘅花生香氣，調味唔會過鹹，作為主食剛剛好，值得推薦。某次試咗雲耳蒸雞，雞肉嫩滑入味，雞味濃，但骨位比較多，湯汁非常惹味，特別餸飯一流。另外，餐廳亦有港式餸菜，如乾炒牛河，送菜去隔籬枱經過時已經聞到濃郁嘅鑊氣。