Video
Read full review
2019-03-24
7 views
尖沙咀有唔少拉麵店，但我都只係試過好少。今次朋友話上網見到有人推介呢間和牛拉麵嘅餐廳想試下，反正好耐冇食過拉麵，一於去試下啦！見openrice 最多人推薦白牛拉麵，咁我就試下啦～有白松露味嘅拉麵都未試過。非常欣賞呢度每一樣嘅材料都有得揀分量，甚至可以揀2分都唔駛加錢！係香港地呢D已經買少見少！一開始揀左普通嘅醬汁濃度，怕會太鹹，但係店主後來同我解釋話如果超過3份嘅配料最好都係揀濃味，所以就改左。非常細心嘅解釋，確保客人可以食到最好最適合嘅野而朋友就揀左極牛拉麵。上到枱非常吸睛牛肉份量多而且睇落好正！先飲一啖湯，白松露味真係好濃好香，而且可以幫手中和一下醬油嘅鹹味，所以即使叫左濃湯都唔會覺得鹹！和牛分2種，分別係和牛刺身同埋火炙和牛。兩隻嘅牛肉味都非常香，而牛肉都好有咬口得黎又唔會un。和牛唔係真係得個名！麵條普通硬度我覺得已經好岩口感，同出面嘅硬差唔多。麵嘅掛湯程度適中，令麵食落去唔會冇味又唔會太鹹。溏心蛋就梗係冇得輸啦！煮嘅程度岩岩好如果我個胃夠大嘅話一定加多半隻！朋友嘅呢個極牛拉麵就冇白松露而都揀左濃湯，個人就覺得相對鹹左少少。後來店主解釋返佢地呢度嘅普通濃其實已經係人地出面嘅濃
一開始揀左普通嘅醬汁濃度，怕會太鹹，但係店主後來同我解釋話如果超過3份嘅配料最好都係揀濃味，所以就改左。非常細心嘅解釋，確保客人可以食到最好最適合嘅野而朋友就揀左極牛拉麵。
上到枱非常吸睛牛肉份量多而且睇落好正！先飲一啖湯，白松露味真係好濃好香，而且可以幫手中和一下醬油嘅鹹味，所以即使叫左濃湯都唔會覺得鹹！
和牛分2種，分別係和牛刺身同埋火炙和牛。兩隻嘅牛肉味都非常香，而牛肉都好有咬口得黎又唔會un。和牛唔係真係得個名！
麵條普通硬度我覺得已經好岩口感，同出面嘅硬差唔多。麵嘅掛湯程度適中，令麵食落去唔會冇味又唔會太鹹。
溏心蛋就梗係冇得輸啦！煮嘅程度岩岩好如果我個胃夠大嘅話一定加多半隻！
朋友嘅呢個極牛拉麵就冇白松露而都揀左濃湯，個人就覺得相對鹹左少少。後來店主解釋返佢地呢度嘅普通濃其實已經係人地出面嘅濃嘅程度，加上朋友配料相對冇咁多，所以整體可能就會感覺鹹少少。
店主後來好用心咁問返我地嘅食後感，仲同我地分享左好多佢研究拉麵嘅心得同埋歷程。睇得出呢間店真係好用心同好著重每一位小客人，非常欣賞，值得支持！
Post
