Star Kitchen (Closed)

呢日去左葵芳行街，經過禮芳街見到間裝潢好特別既小店，主打特色異國菜，價格相宜，一於試試!餐牌係老闆全人手手寫，一坐底就好熱情咁推介菜式，會耐心講解各菜式既特色，實在係難得一見既用心小店。揀左一個主菜同晚餐，主菜可加HK$20轉套餐，有餐湯、沙律、餐飲同甜品。沙律菜新鮮爽脆，淋上胡麻醬更滋味。雜菜湯有大量蔬菜，飲得出蔬菜既鮮味，湯頭盡吸精華，味道鮮甜。愛爾蘭傳統香酥鴨 HK$128改良版傳統愛爾蘭菜，即叫即製，鴨肉碎上枱熱辣辣。以爽脆生菜片包裹鴨肉碎，加入青瓜絲、蘿蔔絲，淋上秘制醬汁。口感清新唔油膩，好香口惹味，我同朋友仔極速就清碟了!都柏林BBQ豬肋骨配蜜糖薯條 HK$148豬肋骨醃得入味，口感軟嫩多汁唔會韌，味道層次豐富唔柴口，外焦內嫩真係好正~蜜糖薯條炸得香脆可口!特別一讚係個秘制醬汁，加入烤豬肋骨既肉汁，好滋味!柚子檸蜜味道清新，甜甜酸酸好開胃。菊花薑蜜辛辣味剛好唔會過於強烈，有健胃消炎、禦寒抵冷之用~自家制低糖Tiramisu驚喜之作，特製低糖，口感細緻柔滑唔會過濕，帶香濃咖啡味，好正~自家制低糖心太軟流心度滿分，外皮蛋糕柔軟醇香，朱古力味道香濃得黎唔會澀。食完每道菜老闆都會細